科隆腳軟唔輸偷笑

　　德乙今晚有場重頭戲，由科隆坐鎮主場迎戰榜首球隊羅斯托克，科隆雖然主場表現硬淨，但佢德國盃同史浩克04激戰一百二十分鐘，體力上會較蝕底，關爺認為羅斯托克「讓球客勝」穩陣，可做過關膽。

　　科隆近期狀態麻麻，近兩場聯賽只能同對手握手言和，就算上仗德國盃淘汰史浩克04，都要打 加時先贏，而且踢完呢場硬仗之後，又要急急腳面對三連勝羅斯托克，對於科隆球員講，未免負荷太重，尤其係羅斯托克毋須應付德國盃，以逸待勞之下，令雙方體力上優劣之勢更明顯。 
預埋杜伊斯堡卡爾斯魯厄 

除體力優勢外，羅斯托克防守力亦非常穩固，踢八場聯賽，只係失三球，傲視同儕。反觀科隆自從射手希美斯受傷後，攻力大減，今場想贏波，恐怕有心無力。

　　配腳方面，德乙第二位卡爾斯魯厄雖然德國盃畀波琴淘汰，但仍能攻入對手兩球，德乙「進攻王」之名當之無愧，今場雖然作客讓艾遜平半，關爺都係撐卡爾斯魯厄上盤。另外，杜伊斯堡作客對包尾大幡貝豪森，「客勝」亦十拿九穩。