薩拉戈薩下盤咪走寶

　　今晚有七場西甲上演，嘉輝在此先提醒球迷一點，就係西甲球隊剛於周中踢完西班牙盃，有部分更精銳盡出，所以體力上或多或少受 影響，大家記得留意。嘉輝今晚不乏心水，包括維拉利爾同切爾達，兩隊波唔使讓

　　不過，講 今晚「輝煌精選」，一定非薩拉戈薩莫屬，皆因對手馬體會近況差之餘，球隊仲五勞七傷，今場又邊係薩拉戈薩對手？另外，薩軍近六次作客馬體會有五次保持不敗，所有形勢皆佔上風下，薩拉戈薩受讓半球梗係開下盤啦！（泰星U37周一凌晨4時直播）

　　馬體會兩翼馬田柏杜夫同麥斯洛迪古斯齊傷之下，攻力真係影響好大，上場聯賽對住拉科，組織上明顯唔 肉，而且起用後備桑華利拿更令威脅力大減，最終成場波搵唔 入球亦係意料中事。

　　再者，上場西班牙盃對住利雲特，雖然球隊精銳盡出，包括一對箭頭費蘭度托利斯及阿古路，中場文尼捷及哥斯天拿等，但主場之下一樣搵唔 入波。最後爆冷輸○比一，連體力都蝕埋，益晒今場對手薩拉戈薩。 

　　磨合完成戰績冒升 

　　薩拉戈薩今季大搞後，已經歷完磨合期，球隊近況極佳，近四場比賽有兩勝兩和不敗戰績。成績穩步上揚，全憑隊中阿根廷幫開始產生化學作用，尤其係艾馬、迪阿歷辛度及迪亞高米列圖組成進攻鐵三角，亦因此能夠與巴塞並列今季西甲入波最多球隊。

　　再者，最重要係球隊絕對唔驚作客馬體會，皆因近六次 訪馬體會，有三勝二和佳績，不敗率高達八成以上，所以今場下盤真係好抵買。