盧頓聯賽盃後遺症發作

　　今晚英冠獨腳戲，葉士域治主場對盧頓，主隊本屬英冠實力分子，但排名徘徊中游，今場揀波重點在於上周中盃賽賽程，盧頓剛在聯賽盃遭愛華頓狂炒，而葉士域治則無盃賽牽掛，可專心踢聯賽，葉士域治讓平半，度

　　葉士域治贏開有條路 

　　葉士域治早在八月底已在聯賽盃出局，唔使煩，佢八、九月期間專心踢聯賽之下，曾錄得四勝一和佳績；近期則狀態回落，聯賽三連敗，不過上周又告回勇，作客三比一擊敗修安聯，度士有留意葉士域治，佢贏開就贏，既然上場重響勝鼓，今場可乘勝追擊。

　　盧頓上季升上英冠一直表現平穩，今季亦持續有好表現，聯賽僅輸三場，照計今場受讓平半實在好筍，問題係佢太貪心，要分心踢聯賽盃，以佢有限人腳，聯賽成績難免受影響。盧頓今季兩次於聯賽盃後出戰聯賽都冇好結果，八月底一次踢畢聯賽盃，之後○比一不敵狼隊，而九月下旬聯賽盃晉級後，主場亦只能二比二賽和西布朗。

　　盧頓在上周中聯賽盃作客出擊，結果以○比四大敗於愛華頓腳下，後防主力夏健倫仍要養傷，領隊紐維爾輸 投晒降，話球隊級數所限，大敗只因唔夠班，講咁洩氣說話，球員今場邊有心機踢波？