現時足球博彩兩大主流係歐洲盤（又稱主客和）同亞洲盤，兩者關係相輔相成，通常主客和賠率介乎1.2倍至1.3倍之間，代表操盤師認為該隊贏面超過八成，亞洲盤起碼要讓球半，但大家要謹記，一支球隊勝算 高，並唔代表會贏得多，兩者並冇直接關係，因為贏一比○照樣係穩袋三分，以今晚法甲里昂主場對南錫為例（日）48，里昂要贏兩球先贏盤，從值博率而言並唔划算，季初大勇南錫值得大家持有。 「五冠王」里昂法甲一枝獨秀，至今十仗九勝一和，賠率愈來愈熱，即使今場面對聯賽排第三南錫，主勝賠率都僅得1.25倍，就知里昂法甲大有超班之感，肥叔承認里昂球員質素係高，但唔代表佢惡晒，以南錫防守能力，逼和對手機會遠遠高於輸兩球。 睇番一客觀數據，就知肥叔所言非虛，南錫今季十場聯賽僅輸一仗，而且未輸多過一球，如從盤路計算，南錫今季輸盤率亦只係兩成，失球數字更係全法甲最少，加上近三次作客里昂都係僅輸一球，受讓球半可謂買晒「燕梳」。 里昂本身亦有隱憂，佢上周中聯賽盃硬撼巴黎聖日耳門，雖然晉級但亦付出代價，除首席射手費特養傷，法國國腳馬隆達亦有傷上陣成疑，對里昂攻力有一定影響。 費倫基達菲主場惡 另外肥叔亦挑選兩場上盤，都係主場有心搶分球隊，費倫天拿（日）17同基達菲（日）29主場出名硬淨，每逢強隊親佢地頭都吃盡苦頭，係長追好對象，尤其係基達菲，佢主場踢得特別起勁，連皇馬都唔係佢對手，今仗主場讓拉科平半，肥叔對呢個盤口特別有偏好，大可以半個盤博一個盤心態捧場。
888917
| 
服务电话：021-50395696