費倫開Party隊傻豹

　　四大聯賽中，今年意甲真係差喎，開季都已經有一段時間啦！仲有三隊未開 齋，搞 我呢班意甲球迷睇 眼火爆。

　　強隊持續不景氣，某更因為假波案被罰要負分起步，畀中游球隊有機會冒起

　　巴勒莫可能會諗，聯賽暫時已經叫做夠分站穩陣腳，咁就可以專心準備周中足協盃賽事，反而佢今晚對手費倫天拿就唔同喇！「紫百合」因為要盡快收復前失，故一心將全副心機放晒落聯賽度搶分，睇佢連贏四場咁積極就知啦！加上賽前知道上訴成功，再一次獲減刑，加番四分，提早唔使負分，更加士氣高昂。

　　整體狀態好，加上當弗東尼同梅度上場冇上陣，抖足晒今鋪先同巴勒莫一決高下，所以今場一於撐決心強、狀態好費倫埋呢三分。 

　　拖連奴內亂唔反就笨 

　　咪以為要踢爭氣波好易呀！好似拖連奴鬧緊入球荒，入球率係現時全意甲最低。鬼咩！上至會長、下至球員都話唔滿意練沙哲朗尼排陣保守，硬係唔肯用雙箭頭，搞 隊波成績一落千丈士氣差，睇怕又係時候換人咯！咁搞法，今晚唔撐卡坦尼亞都唔得啦！

　　醒神貼士：呢兩日係公眾假期，一於介紹「鹿頸」呢個好去處畀大家。呢個係未經人工化真正濕地，有青翠大草坪，一於趁有藍天白雲，一家大細去玩啦！