費倫老闆「鞋鞋」聲唔好意頭

　　上回講 卡坦尼亞老闆係做飛機生意，今日又繼續講其他老闆，「紫百合」費倫天拿老闆係達拉華利兄弟。兩兄弟撈皮革生意，佢業務唔只意大利，就連香港銅鑼灣都買 佢品牌，一對鞋平平都要二千幾蚊！唔好以為

　　講番費倫天拿，呢班波以前係由哥利全權負責，點知佢欠人成五千幾萬街數未還，講緊係美金喎！最後宣布破產，費倫天拿亦因財政問題被罰降丙組。咁得咁橋，達拉華利賺 錢想搵搞，就買隊破產球隊玩。所以話費倫天拿有今時今日，全靠造鞋佬達拉華利。 

　　歐聯資格空歡喜 

　　所以話做鞋都有出頭天，以前劉備街邊織草鞋，最後仲建立蜀國，達拉華利造皮鞋一樣上位做 費倫天拿大老闆。今季費倫天拿被足總扣十九分起步，冇埋歐聯參賽資格，達拉華利都冇怨 邊個，默默承受。而為追趕負分數，今夏達拉華利開水喉畀練柏蘭迪利簽幾件中場，好似利華蘭尼、巴拉斯、辛坦拿等等，希望增強競爭力盡快脫離降班區域。咁有心搞波老細，呢個世界買少見少。